Jenni Laiti

Sápmelaš artivista, eamiálbmotriekteaktivista ja duojár

Jenni Unni Aili Laiti (1981) lea sápmelaš artivista, eamiálbmotriekteaktivista ja duojár. Son lea eret Anáris, Suomabeal Sámis ja ássá dál Johkamohkis Ruoŧabeale Sámis bearrašiinnis. Su bearaš gullá Sirgesa čerrui. Laiti gullá Mihku sohkii, mii lea duodjemeaštáriinnis dovddus. Laiti lea leamaš aktiivvalaš sámi siviilaservvodagas 16-jahkásačča rájes. Maŋimuš jagiid son lea aktiivvalaččat vuosttildan iežas ruovttubáikái Gállokii plánejuvvon ruvkefidnu, ovddidan dálkkádatvuoiggalašvuođa Sámis ja bargan guovllu sámeservošiiguin ja huksen ja nannen sámi iešmearrideami ja duddjon máilmmiid, mat šaddet máilmmiloahpa maŋŋá. Antikoloniálavuohta, eamiálbmotfuturisma, árbevirolaš sámi máhttu, ráhkisvuohta iežas álbmogii ja eatnamii ja eallimii friddja álbmogin stivrejit su artivisttalaš barggu mii hápmašuvvá duojis, culture jammingis, njuolggodoaimmain, performánssain ja searvvušdáidagis. Su movttiidahttá vuoiggalašvuohta, ii dušše midjiide, baicca buot eallevaččaide.

Govva: Carl-Johan Utsi
Jenni Laiti, a white-skinned person with black shoulder-length and curly hair, stands sideways in front of a white backdrop looking into the camera. Framed from the knees up, Laiti is wearing a salmon coloured gákti and a salmon coloured tulle headpiece.

Duojit

  1. Loga lasi